朱庭萱一天兩度中招抄牌！怒轟制度欠人情味：15分鐘換來兩張罰單】
在車位極度緊張的香港，違例泊車早已成為不少司機的無奈選擇。前無綫電視節目主持朱庭萱近日於社交平台分享自己在短短一日內兩度被抄牌的經歷，並直指現行執法方式缺乏彈性與同理心。
朱庭萱透露，當日下午她為送兒子到淺水灣參加生日會，因全區停車場爆滿且要排長龍，她唯有選擇在一處無阻人無阻車的路肩稍作停留：「只係想放低個小朋友即刻走，泊咗10分鐘都唔夠就被抄咗一次。」隨後，她駕車到跑馬地藥房門外短暫停車買藥，「只係四分鐘又返到車，第二次又中！」連番遭遇讓她感嘆「抄牌效率高得令人無話可說」。
兩次違泊加起來不過15分鐘，卻分別換來兩張罰單，令她難掩不滿：「呢個罰款金額，已經等於好多人一日嘅工資，真係好唔公平。」
「唔係唔想入停車場，只係根本無位！」
朱庭萱澄清，她並非有意違泊，只是現場根本無可泊之處，而停車時間亦極短、沒有造成交通阻塞：「喺經濟咁差、車位又極度不足嘅時候，執法人員是否應該因應情況靈活處理？點解連最基本嘅體恤都無？」
她更批評警方執法標準失衡：「啲真係阻晒路、Double Park嘅車就只係趕走，司機轉個圈又返嚟，冇任何阻嚇力。反而啲完全唔阻街、唔阻車嘅位就派人去密密抄，重點擺錯晒！」
中產駕車 = 原罪？
在長文中，朱庭萱更提出對香港整體交通執法背後價值觀的質疑：「政府口口聲聲話同市民共渡時艱，但實際上卻喺無警告情況下，用最快速度抄你張牌。法律固然係法律，但若果失去民心，制度就會變成壓迫。」
她認為這種抄牌文化，對中產尤其苛刻：「有錢請司機嘅唔使擔心違泊，搭公共交通嘅又唔使揸車，最尷尬係揸自己車、冇其他選擇嘅中產。到底揸私家車就等於應該被針對？」
內地做法更具彈性與人情味？
朱庭萱最後以內地的違泊處理方式作比較，指出對方制度更具彈性：「例如先發警告單而非即時罰款；又或者在抄牌後即時發出通知，車主如能於15分鐘內駛離並上載證明，則可取消罰單。呢啲措施，唔係更加體諒民情、更具人性化咩？」
她直言：「香港呢啲硬邦邦嘅制度，係咪時候要重新審視下，市民想要嘅唔係放任，而係合理與有理。」